Կիմ Ջունգ Ունը մարտական պատրաստ դրության է բերել Հյուսիսային Կորեայի բանակը
Հյուսիսային Կորեայի առաջնորդն այդ երկրի բանակին հրահանգել է պատրաստ լինել հրթիռային ցանկացած հարձակման համար:
Հյուսիսային Կորեայի պաշտոնական լրատվական գործակալության երեքշաբթի օրը կատարած հաղորդման համաձայն, Կիմ Ջունգ Ունն այդ երկրի զինվորական հրամանատարների մասնակցությամբ կայացած նիստում տեղեկացրել է Խաղաղ օվկիանոսի արևմուտքում գտնվող Գուամի կղզու դեմ հարձակման նախագծի մասին:
Հյուսիսային Կորեայի առաջնորդն այդ նիստի ընթացքում ընդգծել է, որ ԱՄՆ-ն Փխենյանի հետ բախումից խուսափելու համար ճիշտ ընտրություն պիտի կատարի:
Կիմ Ջունգ Ունը Հյուսիսային Կորեայի զինվորական հրամանատարներին հրահանգել է անհրաժեշտության դեպքում հարձակման անցնելու համար մարտական պատրաստության դրության բերել այդ երկրի բանակը:
Փխենյանը օգոստոսի 10-ին հայտարարեց, որ Գուամի կղզում տեղակայված ԱՄՆ-ի ռազմավարական նշանակությամբ ռմբարկուների բազայի դեմ հրթիռային հարձակման նախագիծը մինչև օգոստոսի կեսերը պատրաստ կլինի և վերջնական որոշում կայացվելու համար կներկայացվի Հյուսիսային Կորեայի առաջնորդ Կիմ Ջունգ Ունին: