ԻԼԻՊ-ն իր վրա է վերցրել Բրյուսելում ահաբեկչական հարձակման պատասխանատվությունը
ԻԼԻՊ ահաբեկչական խումբն իր վրա է վերցրել ուրբաթ գիշեր Բելգիայի մայրաքաղաք Բրյուսելում իրականացված ահաբեկչական հարձակման պատասխանատվությունը:
Գրոհային անձն ուրբաթ գիշեր Բրյուսելի կենտրոնում դանակով հարձակվեց պարեկող երկու բելգիացի զինվորների վրա և վիրավորեց նրանց:
Հարձակումից հետո գրոհայինը սպանվեց Բելգիայի ոստիկանների կողմից:
Բելգիայում ուրբաթ գիշերվա ահաբեկչական հարձակումն իրականացվեց այն պայմաններում, երբ Եվրոպան վերջին ամիսներին բազմիցս հայտնվել է ահաբեկչական հարձակումների թիրախում:
Օգոստոսի 17-ին Իսպանիայի Բարսելոնա քաղաքի Լաս Ռամբլաս թաղամասում միկրոավտոբուսը մխրճվեց բազմության մեջ: Դեպքի հետևանքով սպանեցին ու վիրավորվեցին տասնյակ մարդիկ:
ԻԼԻՊ ահաբեկչական խումբն ավելի վաղ ահաբեկչական նման հարձակումներ է իրականացրել եվրոպական այլ երկրներում, այդ թվում` Ֆրանսիայում ու Բրիտանիայում:
Ժամանակին Միջին Արևելքի տարածաշրջանում և հատկապես Սիրիայում հաստատված ահաբեկիչներին օժանդակություն ցուցաբերելու ուղղությամբ որևէ ջանք չխնայած եվրոպական երկրներն այսօր ԻԼԻՊ-ի անդամ եվրոպացի ահաբեկիչների վերադարձի և ահաբեկչական հարձակումների իրականացման ականատես են: