Սմարթֆոններն ու համացանցը կարող են տագնապ եւ դեպրեսիա առաջացնել
Իլինոյսի համալսարանի գիտնականները երիտասարդությանը զգուշացնում են, որ ժամանակակից գաջեթներով չափազանց տարվելը կարող է տագնապ եւ դեպրեսիա առաջացնել:
Մասնագետները որոշել են պարզել, թե բջջային սարքավոումները որքան են ազդում մարդկանց կյանքի վրա: Նրանց հետազոտությանը բուհերի 300 ուսանողներ են մասնակցել: Կամավորները պատասխանել են բջջային սարքավորումների եւ ժամանակակից տեխնոլոգիաների վերաբերող հարցերի, օրինակ՝ «Համաձա՞յն եք, որ կյանքն առանց համացանցի տխուր եւ ձանձրալի է թվում»:
Ըստ Informing-ի, մանրամասն վերլուծելով արդյունքները, մասնագետները նաեւ հաշվի են առել երիտասարդ սերնդի կողմից սմարթֆոնների օգտագործման շարժառիթները: Նրանք հայտնաբերել են, որ այն օգտատերերը, որոնք գաջեթները չափազանց շատ են օգտագործել, անհիմն տագնապի եւ դեպրեսիայի առաջացման վտանգի են ենթարկվել: Մասնագետների խոսքով, այս երեւույթը նկատվում է նրանց մոտ, ովքեր ակնհայտ կախվածություն ունեն սմարթֆոններից:
Իսկ ահա նրանց մոտ, ովքեր ժամանակակից գաջեթների օգնությամբ փորձել են փոքր-ինչ ժամանակ անցկացնել, սարքերի եւ հոգեկան առողջության վրա դրանց բացասական ազդեցության միջեւ կապ չի հայտնաբերվել:
