Մեկնարկել է ՆԱՏՕ-ի հետ Վրաստանի համատեղ զորավարժությունը
Ախալցխայում մեկնարկել է ՆԱՏՕ-ի և Վրաստանի համատեղ զորավարժությունը:
Վրաստանի պաշտպանության նախարարությունը հայտարարել է, որ սեպտեմբերի 3-11-ն անցկացվող այս զորավարժությունները նպատակ ունեն բարձրացնել համատեղ գործողությունների հնարավորությունները, ինչպես նաև ամրապնդել մարտավարության, մեթոդների և գործընթացների փոխըմբռնումը:
Այս զորավարժությունն անցկացվում է Վրաստանի պաշտպանության նախարարության նախաձեռնությամբ և ԱՄՆ-ի ծովային հետևակի համագործակցությամբ:
Այս տարի զորավարժություններին ԱՄՆ-ից և Վրաստանից բացի մասնակցում են նաև Բուլղարիայի, Ռումինիայի, Լատվիայի և Ուկրաինայի ներկայացուցիչները: Հայաստանը հրաժարվել է մասնակցել այս զորավարժություններին:
Վրաստանի պաշտպանության նախարարությունը հայտարարել է, որ զորավարժությանը մասնակցել են ԱՄՆ-ի ծովային հետևակի 500 ծառայողներ:
