Բրազիլիայի նախկին նախագահին մեղադրանք է ներկայացվել կոռուպցիայի գործով

Սան Պաուլուի դատախազությունը չորեքշաբթի օրը՝ մարտի 9-ին, մեղադրանք է ներկայացրել Բրազիլիայի նախկին նախագահ Լուիս Ինասիու Լուլա դա Սիլվայի նկատմամբ՝ կարողությունը թաքցնելու գործով, տեղեկացնում է Globe հեռուստաընկերությունը:

Նշվում է, որ նման մեղադրանքներ են ներկայացվել նաև նախկին նախագահի կնոջ՝ Մարիա Լետիսիայի և նրանց ավագ որդու՝ Ֆաբիու Լուիսի նկատմամբ:

Խոսքը շքեղ բնակարանի մասին է, որը գտնվում է Գուարուժա նավահանգստային քաղաքում: Քննիչները կասկածում են, որ այդ անշարժ գույքի համար գործի է դրվել փողերի լվացման մեխանիզմը, որին կարող էր մասնակցել նախագահը:

armedia.am

10/3/2016