Ուզբեկստանում կայացել է Զարիֆի և Մոգերինիի հանդիպումը
Ուզբեկստանի Սամարղանդ քաղաքում կայացած «Անվտանգությունն ու կայուն զարգացումը Կենտրոնական Ասիայում» միջազգային համագումարի շրջանակում կայացել է ԻԻՀ ԱԳ նախարար Մոհամմեդ Ջավադ Զարիֆի և Եվրամիության արտաքին քաղաքականության պատասխանատու Ֆեդերիկա Մոգերինիի հանդիպումը:
Ուրբաթ օրը կայացած հանդիպմանը, զրուցակիցները քննարկել են կողմերին հուզող և Իրանի միջուկային համաձայնության հետ կապված հարցեր:
Երկու օր առաջ ԵՄ արտաքին քաղաքականության պատասխանատուն Վաշինգտոնում, ԱՄՆ պետայրերի հետ հանդիպումներից հետո, կարևորել էր ՀԳՀԾ-ն և Իրանի հետ միջուկային համաձայնության պահպանումը: Մոգերինին նաև բացառել է Համատեղ գործողությունների համապարփակ ծրագրի մասին վերստին բանակցելու հավանականությունը:
Համագումարին առընթեր, ԻԻՀ ԱԳ նախարարը հանդիպել է Ուզբեկստանի նախագահ Շավքաթ Միրզիյոևի հետ: Հանդիպմանը քննարկվել են հատկապես գիտական ու տնտեսական ոլորտներում երկկողմ հարաբերությունների զարգացման ճանապարհները: