Թբիլիսին չի ճանաչում Ղարաբաղի անկախությունը
Վրաստանի ԱԳ նախարարությունը հայտարարել է. «Վրաստանը չի ճանաչում Լեռնային Ղարաբաղի անկախությունը»:
Ինչպես հաղորդում է Իրանի ռադիո-հեռուստատեսությունը,Վրաստանում Ադրբեջանի դեսպանությունը մտահոգություն էր հայտնել Լեռնային Ղարաբաղի նկարիչների՝ Թբիլիսիում բացված ցուցահանդեսի կապակցությամբ և դիմել Վրաստանի համապատասխան մարմիններին։ Արձագանքելով Ադրբեջանի այդ քայլին, Վրաստանի արտաքին գործերի նախարարությունը հայտարարել է.«Լեռնային Ղարաբաղի նկարիչների՝ Թբիլիսիում բացված ցուցահանդեսը մասնավոր նախաձեռնություն է, և Վրաստանի պետական մարմինները միջոցառման կազմակերպման հետ առնչություն չեն ունեցել»:
«Վրաստանը չի ճանաչում Լեռնային Ղարաբաղի անկախությունը և աջակցում է հակամարտության խաղաղ կարգավորմանը։ Մեր տեղեկություններով՝ ցուցահանդեսին չեն եղել որևէ նշումներ, որոնք կարող էին ոտնահարել Ադրբեջանի ինքնիշխանությունն ու տարածքային ամբողջականությունը։ Ինչ վերաբերում է բուն ցուցահանդեսին, դա մասնավոր նախաձեռնություն է, դրա կազմակերպմանը պետական մարմինները չեն մասնակցել»,- ասված է Վրաստանի ԱԳ նախարարության հայտարարության մեջ։
2017թ․ նոյեմբերի 26-ին Վիրահայոց թեմի «Հայարտուն» կենտրոնի Գալուստ Գյուլբենկյան սրահում բացվել է Ղարաբաղի 7 երիտասարդ նկարիչների՝ «Վերածնունդ» խորագրով ցուցահանդեսը: Ցուցանահանդեսն իր աշխատանքը կշարունակի մինչև դեկտեմբերի 20-ը:
1992-1994 թվականներին Ադրբեջանի և Հայաստանի միջև տեղի ունեցած ռազմական բախումների արդյունքում հայկական ուժերը գրավեցին Ղարաբաղյան տարածքը և Ադրբեջանի 7 շրջաններ: Ադրբեջանը օտար երկրներում Ղարաբաղյան տարածքի ցանկացած գործունեություն համարում է անօրինական և Բաքվի կենտրոնական կառավարության հետ չհամադրված քայլ:
