Մոգերինին Պաղեստինին զսպվածության կոչ է արել
ԵՄ արտաքին քաղաքականության եւ անվտանգության հարցերով գերագույն հանձնակատար Ֆեդերիկա Մոգերինին Պաղեստինին «զսպվածության» կոչ է արել՝ կապված ԱՄՆ նախագահ Դոնալդ Թրամփի՝ Երուսաղեմը որպես Իսրայելի մայրաքաղաք ճանաչելու հնարավոր հայտարարության հետ, հաղորդում է AP-ն:
Պաղեստինի նախագահ Մահմուդ Աբասի հետ հեռախոսազրույցում Մոգերինին հաստատել է պաղեստինա-իսրայելական հակամարտությունը երկու պետությունների սկզբունքների հիման վրա լուծելու Եվրամիության հանձնառությունը: Նա նշել է, որ Երուսաղեմի կարգավիճակը պետք է որոշվի բանակցությունների միջոցով:
«Ֆեդերիկա Մոգերինին զսպվածության կոչ է արել ցանկացած հայտարարության դեպքում եւ ողջունել է նախագահ Աբասի պարտավորությունը` ցանկացած ցույց խաղաղ անցկացնելու կոչի համար», - ասվում է ԵՄ հայտարարության մեջ:
Մոգերինին Աբասին հրավիրել է Բրյուսել ԵՄ արտաքին գործերի նախարարների հանդիպմանը մասնակցելու համար:
News.am
