Աստանայում մեկնարկել Է Սիրիային նվիրված բանակցությունների ութերորդ փուլը

Աստանայում մեկնարկել Է Սիրիային նվիրված բանակցությունների ութերորդ փուլը. երաշխավոր երկրների՝ Ռուսաստանի, Թուրքիայի եւ Իրանի պատվիրակությունները տեխնիկական հանդիպումներ են սկսել:

Այդ մասին Աստանայից հայտնել Է ՌԻԱ Նովոստիի թղթակիցը, տեղեկացնում Է «Արմենպրես»­ը: Բանակցությունների հերթական փուլը կտեւի երկու օր՝ դեկտեմբերի 21­ին եւ 22­ին. այսօր մասնակիցների միջեւ հանդիպումներ կանցկացվեն տարբեր ձեւաչափերով, ուրբաթ կկայանա հիմնական լիագումար նիստը: Ռուսաստանի պատվիրակությունը գլխավորում Է ՌԴ նախագահի՝ Սիրիայի խնդրով հատուկ ներկայացուցիչ Ալեքսանդր Լավրենտեւը, Թուրքիայինը՝ արտաքին գործերի փոխնախարար Սեդաթ Օնալը, Իրանինը՝ ԱԳ փոխնախարար Հուսեյն Ջաբերի Անսարին: Հանդիպմանը կմասնակցեն նաեւ Սիրիայի կառավարության եւ ընդդիմության, ինչպես նաեւ դիտորդ երկրների՝ ԱՄՆ­ի եւ Հորդանանի պատվիրակությունները:

Armenpress.am