Amnesty International-ը քննադատել է Բրիտանիային
Ուրբաթ օրը, հակազդելով Արաբիային բրիտանական «Թայֆուն» տեսակի ռազմական ինքնաթիռների վաճառքին, Amnesty International կազմակերպությունն հայտարարել է. «Արաբիային ռազմական ինքնաթիռների վաճառքը կնշանակի բենզին լցնել Եմենի ճգնաժամի կրակի վրա»:
Սաուդյան Արաբիան և Բրիտանիան ուրբաթ օրը համաձայնագիր ստորագրեցին, որի համաձայնը Ռիադը «Յուրոֆայթեր Թայֆուն» (Eurofighter Typhoon) տեսակի 48 ռազմական ինքնաթիռներ է գնելու Լոնդոնից:
Համաձայնագիրը ստորագրվեց Սաուդյան Արաբիայի գահաժառանգ Մոհամմեդ Բեն Սալմանի Լոնդոն կատարած ուղևորության վերջին օրը:
Սաուդյան Արաբիայի գահաժառանգի այցին զուգահեռ, Լոնդոնում անցկացվեցին այդ այցի դեմ բողոքի լայնածավալ ցույցեր:
Զենքի առևտրի դեմ պայքարող քարոզչական արշավի վիճակագրական պաշտոնական տվյալների համաձայն, Սաուդյան Արաբիան համարվում է Բրիտանիայի սպառազինության ամենախոշոր գնորդը:
Բրիտանական ռազմական ինքնաթիռներն այն պայմաններում են Արաբիային վաճառվել, երբ Եմենը 2015 թվականի մարտ ամսից ի վեր ԱՄՆ-ի, Բրիտանիայի, Էմիրությունների և մի քանի այլ երկրների համակողմանի հովանավորությամբ Սաուդյան ռեժիմի վայրագ հարձակումների թիրախ է դարձել:
Այս հարձակման հետևանքով զոհվել են ավելի քան 14 հազար խաղաղ քաղաքացիներ, այդ թվում մեծ թվով երեխաներ ու կանայք և տարհանվել են միլիոնավոր մարդիկ: Եմենը միևնույն ժամանակ սննդամթերքի ու դեղորայքի խիստ պակաս և տարբեր հիվանդությունների համաճարակ է դիմագրավում:
