Ալիև. նախագահական ընտրություններն արդար են լինելու
Ադրբեջանի նախագահը Բաքվում ԵԱՀԿ ԽՎ-ի նախագահի հետ հանդիպման ժամանակ վստահեցրել է, որ այդ երկրի նախագահական ընտրություններն անց են կացվելու արդար ոռ թափանցիկ պայմաններում:
Համաձայն «Մոդեռն» ինտերնետային կայքի հաղորդման, Ադրբեջանի նախագահ Իլհամ Ալիևն ասել է. «Նախագահական ընտրություններն անց են կացվելու թափանցիկ ու արդար պայմաններում և արտացոլելու են Ադրբեջանի ժողովրդի կամքը»:
ԵԱՀԿ ԽՎ պատվիրակության հետ հանդիպման ժամանակ, Ալիևը կարևորել է այդ կազմակերպության հետ Բաքվի համագործակցությունը:
Ադրբեջանում նախագահական ընտրությունները տեղի կունենան ապրիլի 11-ին:
2016 թվականի սեպտեմբերի հանրաքվեում վավերացված սահմանադրական բարեփոխումների համաձայն, Ադրբեջանում նախագահության շրջանը 5 տարուց բարձրացվել է 7 տարվա: Ադրբեջանի նախագահական 8-րդ շրջանի ընտրություններում հաղթող անձը յոթ տարի վարելու է այդ երկրի իշխանության ղեկը:
