Էրդողանը շնորհավորել է Պուտինին
Մարտ 21, 2018 13:16 Asia/Tehran
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի Դաշնության վերընտրված նախագահ Վլադիմիր Պուտինի հետ։ Էրդողանը շնորհավորել է Պուտինին՝ Ռուսաստանի նախագահական ընտրություններում հաղթելու կապակցությամբ։
َԱնատոլու լրատվական գործակալության հաղորդման համաձայն՝ հեռախոսազրույցի ժամանակ կողմերը խոսել են ռուս-թուրքական հարաբերությունների, ինչպես նաև Սիրիայի հարցով ապրիլին կայանալիք Թուրքիա-Իրան-Ռուսաստան եռակողմ ժողովի մասին, որն անցկացվելու է Ստամբուլում։
Թուրքիայի նախագահը մարտի 19-ին հայտարարել է, որ շուտով իր ռուս գործընկերոջ հետ կքննարկի Թուրքիայում ատոմակայան կառուցելու նախագծի հարցը:
Ավելի վաղ Էրդողանը հայտարարել էր, որ 2018 թվականին Թուրքիայում սկսվելու են «Աքկույու» ատոմակայանի շինարարության աշխատանքները:
Պիտակ
