Անդրադարձ՝ ֆրանսիացի երիտասարդներին ուղղված Այաթոլլահ Խամենեիի նամակին(2․Մարդու իրավունքների ոտնահարումը՝ խոսքի ազատության անվան տակ)
Ներշնչվելով Իսլամական հեղափոխության գերագույն առաջնորդ ,այաթոլլահ Խամենեիի կողմից Ֆրանսիացի երիտասարդներին հղած ուղերձից ,այս հաղորդման ընթացքում մտադիր ենք խոսել արևմուտքի կողմից խոսքի ազատության չարաշահման մասին և ցույց տալ ,որ Ֆրանսիայի կառավարությունն Իսլամի հանդեպ թշնամական դիրքորոշմամբ և անարգելով աստվածային այս կրոնի հետևորդներին ,ոտնահարում է մարդկային բարոյականության ամենատարրական իրավունքը և չի հարգում քաղաքացիական և մարդու իրավունքները:
ԻԻՀ իմաստուն առաջնորդ այաթոլլահ Խամենեիի ուղերձը Ֆրանսիայի երիտասարդներին ,նպատակ ունի արթնացնել գիտակից խղճերը և իմացականություն շնորհել այդ երկրի և արևմտյան այլ երկրների երիտասարդներին:Ըստ այդմ ,նա երիտասարդներին խորհուրդ է տալիս.«Հարցրեք ձեր նախագահին. Ինչո՞ւ է հովանավորում Աստծո մարգարեին վիրավորելը և դա համարում խոսքի ազատություն:Արդյոք դա է խոսքի ազատության իմաստը:Անարգանք և վիրավորանք սրբությունների նկատմամբ: Արդյո՞ք այդ հիմար արարքը չի ծանրանալո՞ւ ազգի խղճին, ով նրան ընտրել է,որպես իր նախագահ»:
Հետաքրքիր է, որ իրեն ազատության և ժողովրդավարության բնօրրան համարող ֆրանսիան, այդ երկրի երիտասարդներին ուղղված հեղափոխության գերագույն առաջնորդի ուղերձը հրապարակելուց հետո, արգելափակեց Instagram- ում ,Իրանի Իսլամական Հանրապետության առաջնորդությանը վերագրվող հաշիվը:Ինչպե՞ս է, որ այս կառավարությունը սահմանափակումներ է գործադրում իր համար վնասակար համարող հարցերի կապակցությամբ , բայց այլ կրոնների սրբություններին անարգելու հարցով որևէ սահմանափակություն նկատի չի առնում:
Խոսքի ազատությունը, իրավական ազատություններից է, որը դիտարկվում է մարդու իրավունքների համատեքստում:Միջազգային փաստաթղթերում «խոսքի ազատություն» չի նշանակում ծաղրել կամ անարգել այլ գաղափարները :Խոսքի ազատությունը կիրառելի է այնքանով, որքանով այն չի հակասում այլ իրավունքներին:Խոսքի ազատության անվան տակ աշխարհում ավելի քան մեկ միլիարդ մուսուլմանների զգացմունքներն ու համոզմունքները վիրավորելը ոչ միայն ընդունելի չէ որևէ տրամաբանությամբ և պատճառաբանությամբ, այլև հակասում է նույն փաստաթղթերին, կոնվենցիաներին և պայմանագրերին, որոնք խոսքի ազատությունը, համարում են ՝ մարդու իրավունք:Օրինակ, 1966 թ. Քաղաքացիական և քաղաքական իրավունքների մասին միջազգային դաշնագրի 19-րդ հոդվածի 3-րդ կետի համաձայն ՝ խոսքի ազատությունը պահանջում է հատուկ իրավունքներ և պարտավորություններ,և այն ենթակա է որոշ սահմանափակումների,ինչպես օրինակ՝հարգել այլ անձանց իրավունքները ,հարգել ազգային անվտանգությունը , հասարակական կարգը,հասարակական առողջությունը, և բարոյականությունը :Նույնպես 1969 թվականի Մարդու իրավունքների ամերիկյան կոնվենցիայի 14-րդ հոդվածի առաջին կետը, պաշտպանում է այն անձանց իրավունքները, ովքեր տուժել են օրինական մի լրատվամիջոցի կողմից հրապարակված սխալ կամ լկտի տեսակետների ու արտահայտությունների պատճառով : Տուժածն իրավունք ունի պատասխանատվության ենթարկել տվյալ լրատվամիջոցին։ Մարդու իրավունքների եվրոպական դատարանը ևս բազմաթիվ դատական գործերում ,կրոններին, ներառյալ՝ իսլամին վիրավորելը չի սահմանում խոսքի ազատության շրջագծում:
Միշտ էլ Ֆրանսիան բացահայտ կերպով և կոպտորեն խախտել է մարդու իրավունքները:Ֆրանսիայում ,«Հիջաբի արգելման մասին օրենքը» , որն ընդունվեց 2004 թվականին, նպատակ ուներ սահմանափակել Ֆրանսիայի մուսուլման համայնքի մի մասին: Օրենքի համաձայն, Ֆրանսիայում ավելի քան վեց միլիոն մուսուլմաններին,որոնք Եվրոպայի ամենամեծ մուսուլման համայնքն են համարվում, արգելում են դպրոցներում և հասարակական վայրերում հիջաբ կրել:Նկատի առնելով Ֆրանսիայում քաղաքական կառուցվածքի սեկուլար բնույթը ,կրոնական փոքրամասնությունները, ինչպիսիք են մուսուլմանները , և էթնիկ ու ռասայական փոքրամասնությունները, այդ թվում ՝արաբներն ու սեւամորթները,պաշտոնապես չեն ճանաչվում և ոչ միայն զրկվում են խորհրդարանում և որոշումներ կայացնող այլ մարմիններում տեղեր զբացեցնելուց ,այլև ենթարկվում են ռասիստական և ծայրահեղական բռնությունների և նույնիսկ ԶԼՄ-ների միջոցով նվաստացվում են այդ երկրի պետական բարձրաստիճան այրերի կողմից: Սոցիալական այս մեծ խմբերը մարգինալացվել են այնքանով, որ Ֆրանսիայում նրանք չեն ներկայացվում որևէ քաղաքական կուսակցության, խմբավորման կամ քաղաքական թևի կողմից և չեն հովանավորվում վայելում որևէ քաղաքական հզոր ուժի կողմից։
Ֆրանսիան ,որ հովանավորեց«Շառլի Էբդո» լկտի հանդեսը,որը բացահայտորեն անարգել էր Մոհամմադ մարգարեին , ապացուցեց ,որ Ֆրանսիայում իսլամաֆոբիան չի սահմանափակվում միայն հիջաբով և այդ երկրի պետական քաղաքականություններն ու ԶԼՄ-ները միշտ էլ փորձել են մուսուլմանների նկատմամբ ատելության մթնոլորտ առաջացնել :Հատկանշական է ,որ մզկիթների և մուսուլմանների վրա հարձակումը շատ քիչ է արտացոլվում:Օրինակ ՝ 2020 թվականի հոկտեմբերի 18-ին, երբ Էյֆելյան աշտարակի մոտ մի ռասիստ դանակահարեց երկու մուսուլման կանանց,այդ լուրը շատ էլ չտարածվեց Ֆրանսիայի լրատվամիջոցներում:Բորդո և Բեզիերս մզկիթների վրա հարձակումն այնքան էլ արձագանք չգտավ։
Ֆրանսիան, որն իրեն համարում է ազատության բնօրրան և կրոնների սրբություններին անարգելը ,արդարացնում է խոսքի ազատության անվան տակ , մարգինալացնում է նրանց, ովքեր քննադատում են կառավարության ատելության քաղաքականությունը:Օրինակ, Ֆրանսիայում սեկուլարիզմը վերահսկող հանձնաժողովի տնօրեն Նիկոլաս Կադենը, ով քննադատել էր կառավարության մուսուլմաններին պիտակավորելու համար ,խիստ քննադատվեց պետական պաշտոնյաների կողմից ,որոնցից ոմանք նրա հրաժարականն էին պահանջել:
Դատապարտելի է աշխարհի որևե վայրում, որևէ երկրի կամ ժողովրդի դեմ իրականացվող ահաբեկչական որևէ արարք ,որը խթանում է անապահովությունն ու ճգնաժամը և ենթահող է ստեղծում իսլամական աշխարհի դեմ առկա իրավիճակը չարաշահելու համար : Ֆրանսիայի իշխանությունները թող իմանան , որ իսլամական հասարակության սրբություններին հասցված վիրավորանքը ՝ անկախ մարդկային բարոյականությունից, համազոր է ծայրահեղական այլ ահաբեկչական գործողություններին:Աստվածային կրոնների արժեքները վիրավորելը նույնքան դատապարտելի է, որքան ահաբեկիչների վերաբերմունքը:Հիմնականում պախարակելի է ուրիշների նկատմամբ անհիմն բռնությունն ու ագրեսիան,որը մերժված է Աստվածային բոլոր կրոնների կողմից:
Անկասկած, ներկայիս իրավիճակի համար հիմնական պատասխանատվությունը կրում են այն իշխանությունները, որոնք փոխարենը փորձելով հանգստացնել մուսուլմաններին և կանխել Charlie Hebdo- ի նման հանդեսների ապարդյուն գործողությունները, պնդում են իրենց թշնամական դիրքորոշման վրա և հրահրում են մուսուլմանների զգացումները :Այս քայլերը բացասաբար կանդրադառնան այս երկրի տնտեսության վրա, քանի որ, այս երկրի ապրանքների դեմ ժողովրդական ծավալուն շարժումներ են սկսվել:Ֆրանսիայի նախագահի խոսքերի հետևանքով «Ֆրանսիայի արտադրանքների էմբարգոն» հեշթեգը արաբական երկրներում համարվում է առաջին թրենդը,որից հետո արաբական շատ երկրներ , այդ թվում ՝ Քուվեյթը, Կատարը, Հորդանանը և Իրաքը բոյկոտել են ֆրանսիական ապրանքները։
Այսպիսով, այն պայմաններում, երբ իսլամաֆոբիան մեկնաբանվում է խոսքի ազատության անվան տակ և հրահրվում է մուսուլմանների զգացումները ,այդ երկրի կառավարությունը գործում է ի վնաս իրեն:Նրանք թող լավ իմանան ,որ նման դեպքերում լինում են ծայրահեղականներ, ովքեր առաջիկա տարվա ընտրությունների սեմին իրենց քաղաքական նպատակներն իրականացնելու համար պղտոր ջրից ձուկ են որսալու և սրելով տարաձայնությունները ,դրանք օգտագործելու են իշահ իրենց:Այսպիսով, օրեցօր կնվազեն երկրի սոցիալական համախմբվածությունն ու քաղաքացիական խաղաղությունը, և հասարակությունը կընթանա դեպի կրոնական լարվածություն, բռնություն և տարանջատում:
Արևմտյան երկրները ժողովրդավարական ժեստով ,միշտ խոսում են ժողովրդի կարծիքները հարգելու մասին ,սակայն երբ անարգվում է աշխարհում ավելի քան երկու միլիարդ մուսուլմանների գաղափարները ,այլևս չի խոսվում համոզմունքների խախտման ,կամ դրանք հարգելու մասին:Խոսքի ազատությունը անշուշտ չի նշանակում անարգելու ազատություն և բարոյական արժեքների ոչնչացման ազատություն,եթե այդպես է, ինչու Ֆրանսիայի պաշտոնատարները երկու անգամ հրահանգեցին փակել նույն շաբաթաթերթը ,որն անարգել էր Ֆրանսիայի ազգային արժեքները և ծաղրի ենթարկել Ֆրանսիայի նախագահին: