په افغانستان کښې د امريکې د شل کلني شتون نتائج وڅېړل شول
له افغانستانه د امريکائي ترهه ګرو فوځيانو له وتلو سره په يو وخت د افغانستان په دننه او بهر کښې يو شمېر ديني علماو، پوهنتونيانو او سياستوالانو په کابل کښې په يوه غونډه کښې په دغه هېواد کښې د امريکې د شل کلني شتون نتائج وڅېړل شول.
له کابله زمونږ د خبريال د رپوټ له مخې په دغه غونډه کښې ګډون کونکو د نړۍ خوړونکې امريکې پراختيا غوښتنه په افغانستان او سيمه کښې د دغه هېواد د شتون وجه وبلل او وې ويل: د افغانستان په ټولو سيمو کښې د نښتو او د ترهه ګريزو حملو پراختيا د دغه شتون له نتائجو څخه دي.
د غونډې ګډون کونکو تاکيد وکړ، امريکه په افغانستان باندې د امنيت او صلحې د ټينګولو په بهانه حمله وکړه خو په دغه هېواد کښې جنګ، جګړې او د نشه ايزو موادو توليد او قاچاق لا زيات شول.
د افغانستان د حزب کنګره ملي مشرعبدالطيف پدرام په دغه غونډه کښې وويل: امريکې حتی د بشري حقوقو له ادارو او تنظيمونو هم د خپلو ګټو لپاره استفاده کړې ده.
د غونډې ګډون کونکو همدارنګ له افغانستانه د وتلو لپاره د امريکې اوسنے پروګرام مشکوک وبلۀ د افغانستان لپاره د يوې نوې دسيسې د شروع کېدو پېلامه وبلله.
