په پکتیکا کې د زعفرانو لس ننداریزې کروندې جوړېږي
د پکتیکا د کرهڼې ریاست هڅې کوي څو په دغه ولایت کې د نور ارزښت لرونکو محصولاتو تر څنګ د زعفرانو کرکېله هم پراخه کړي، چې په پار یې کروندګرو ته هر اړخیزې روزنې ورکړل شوي دي .
زمونږ خبریال له غزني راپور راکړ د افغانستان د کرهڼې او مالدارۍ وزارت په یوې اعلامیې کې وئيل شوي دي ،په پکتیکا ولایت کې د زعفرانو د کر او تولید د لا پراختیا په موخې سره ټاکل شوې چې سږکال د دغه ولایت په مرکز او اړوندو ولسوالیو کې ۱۰ ننداریزې کروندې جوړې شي.
د دغه وزارت ویندوي اکبر رستمي نن په دغې اعلامیې کې وئيلي دي ، د زعفرانو د کښت، ګل ټولونې، اقتصادي ارزښت او پراختیا په هدف دا لس ننداریزې کروندې به په مرکز ښرنې، سروبي، جانیخېل، یوسف خېل او خیرکوټ ولسوالیو کې جوړې شي.
د پکتیکا د کرهڼې ریاست هڅې کوي څو په دغه ولایت کې د نور ارزښت لرونکو محصولاتو تر څنګ د زعفرانو کرکېله هم پراخه کړي، چې په پار یې کروندګرو ته هر اړخیزې روزنې ورکړل شوي دي .