پاکستاني او افغانستاني عالمان:
په افغانستان کښې جنګ حرام دی
د پاکستان او افغانستان عالمانو په مکه مکرمه کښې یوې غونډې کښې په افغانستان کښې د جنګ دوام حرام وباله.
د پاکستان او افغانستان عالمانو په مکه مکرمه کښې یوې غونډې کښې په افغانستان کښې د جنګ دوام حرام وباله.
ایرنا خبري آژانس لیکلي چې افغانستاني او پاکستاني عالمانو بیګا په افغانستان کښې د جګړې هر ډول دوام ناروا بللی او ټینګار یې وکړ چې دغه جنګ باید ختم شي.
د اسلامي ملګرتیا سازمان عمومي منشي محمد داود په دغې غونډې کښې ټینګار وکړ چې افغانستان د خلکو د هوډ او ارادې په برکت صلحې، اوربند او د خپل هیواد د برخلیک ټاکلو ته مخه کړې ده او ټول اسلامي هیوادونه یې ملاتړ کوي.
په سعودي عربستان کښې د پاکستان سفیر جنرال بلال اکبر هم وویل چې د اسلام اصلي څیره، ثبات دی. څلور لسیزې وشوې چې په افغانستان کښې جنګ روان دی خو اوس وخت دی چې د صلحې لاره هواره شي.
د افغانستان د حج او اوقافو وزیر محمد قاسم حلیمي هم په دغې غونډې کښې ټینګار وکړ چې ټول مسلمان عالمان په افغانستان کښې د جګړې د ختمولو لپاره د هلوځلو مسئول دي.
سعودي عربستان په داسې حال کښې د دغې غونډه کوربه توب کوي چې آل سعود واکمنان د افغانستان د جنګ او د دغه هیواد د خلکو د وژلې په دوام کښې مهم رول لري او په دغه هیواد کښې د ترهګرو او تکفیري ډلو ستر ملاتړی هیواد دی او دا خبره له هیڅچا پټه نه ده.
