په ننګرهار کی دداعش ډلی دځانمرګو بریدونو مسئول ووژل شو
زمونږخبریال وايي د ننګرهار د والي ویاند عطاالله خوږیاڼی وایي تیره شپه د ملي امنیت ادارې ځانګړو ځواکونو ددغه ولایت د سره رود ولسوالۍ د مستي خیلو په سیمه کی عملیات ترسره کړي چې په پایله کی دداعش ډلې د ځانمرګو بریدونو مسول مومن له امنیتی ځواکونو سره دمقاومت پر مهال ووژل شو او یوه تومانچه او نور تجهیزات د امنیتي ځواکونو لاسته ورغلل .
د والي ویاند وویل په عملیاتو کی ملکی وګړو او امنیتی ځواکونو ته مرګ ژوبله نده اوښتي .
دنوموړي پر وینا دوژل تن یو زوی څه موده وړاندی د داعش په لیکو کی د ننګرهاز ولایت دچپرهار په ولسوالی کی په یو هوایی برید کی وژل شوی و.
د ننګرهار د والي ویاند دغه راز وویل د ملي امنیت اداری کارکوونکو د جلال اباد ښاز دڅلورمی ناحیی اړوند د اکمالاتي بیز په سیمه کی دامجد مشهور په عبید په نوم دداعش ډلی هغه غړی ونیوه چی د رکشا په وسیله یی ځانمرګي برید ته چمتو شوی له چاودیدونکو توکیو ډک واسکټ د ښار مرکزي برخې ته لیږداوه.
په دې اړه نور تفصیلات زمونږ دخبریال له خولې آورو .
