امریکې یوځل بیا د طالبانو سنګرونه په نښه کړل
د امریکايي پوځیانو ډرون الوتکو د افغانستان په شمال کښې د طالب ډلې سنګرونه وویشتل
د امریکايي پوځیانو ډرون الوتکو د افغانستان په شمال کښې د طالب ډلې سنګرونه وویشتل
امریکايي رسنیو ویلي چې د دغه هیواد له ولسمشر جوبایډن سره د افغانستان د ولسمشر اشرف غني او د ملي مصالحې د عالي شورا د مشر عبدالله عبدالله له کتنې څو ساعته وړاندې د امریکې بې پایلټه الوتکو په قندوز او بغلان ولایتونو کښې د طالبانو سنګرونه بمباري کړل.
ویل کیږي چې د امریکې په هوايي بریدونو کښې د طالب ډلې یوشمیر وسله وال وژل شوي دي.
خو طالبانو د امریکې هوايي بریدونو ته تراوسه هیڅ غبرګون نه دی ښودلې.
د ویلو ده چې د طالبانو ویاند قاري یوسف احمدې په دې وروستیو کښې په قندهار ولایت کښې د دغې ډلې خلاف د امریکې د هوايي حملو په غبرګون کښې ویلي وو چې دغه حملې د قطر له موافقې (څرګنده سرغړونه او خلاف ورزي) ده.
