د اشرف غني له تګ پرته سوله ممکنه نه ده

د طالبانو د سیاسي پلاوي غړی ویلي چي، تر هغې اوربند نه کوي ترڅو اشرف غني له واک نه وي لیري شوي او پر یو نوي حکومت هوکړه شوې نه وي.

د طالبانو د مرکچي پلاوي غړي سهیل شاهین له اسوشیټیډ پریس خبري اژانس سره په یوې مرکه کې ویلي، تر هغو چې د مذاکراتو له لارې ټولو لوریو ته د منلو وړ حکومت نه وي رامنځته شوی؛ نو سوله ناممکنه ده.

نوموړي دا هم ویلي، چې د جمهور رییس محمد اشرف غني تر لرې کېدو پورې به دوی جګړې ته دوام ورکوو.

د افغانستان حکومت د سهیل شاهین د خبرو په غبرګون کې ټینګار کړي چي طالبان دي لومړی له افغان وژنې لاس وخلي او بیا دې خپلي غوښتنې د مذاکراتو پر مېز مطرح کړي.

د افغانستان د ولسمشر مرستیال ویاند لطیف محمود وایي: د حکومت تغیر اسانه کار دی، د افغانستان خلک به د رایو صندقونو ته لاړ شي او خپل برخلیک وټاکي.