طالبانو په افغانستان کښې نوي ممنوعيتونه اعلان کړل
طالبانو د افغانستان په ځينو سيمو کښې د سګرېټو څښل او ټيلي ويژن کتل منعې اعلان کړل.
د افغان آوا د رپوټ له مخې د بلخ ولايت په ولسواليو کښې ولسي سرچينو چې غواړي نومونه يې افشا نه شي د وېنا له مخې طالبان د دغو نويو قوانينو د خلاف ورزي کؤنکو خلاف قانوني چاره جوئي کوي.
په سمنګانو کښې باخبرو سرچينو وويل چې طالبانو په دغه ولايت کښې د ټيلي ويژن استعمال منعې اعلان کړے دے.
طالبانو د رسنيو لخوا د کورنيو او په کلي توګه د خلقو منحرفېدل او ګمراه کېدل د دغې فېصلې د غوره کولو وجه بللې ده.
په اوس حال کښې په افغانستان کښې له ټي وي چېنلونو څخه يوازې مذهبي پروګرامونه خپريږي.
طالبانو همدارنګ ږيره پرېښودل او د افغانستان دوديزې جامې يعنې پرتوګ قميص هم د بلخ ولايت په ولسواليو کښې لازمي کړې دي.
طالبان چې د اګست په پينځلسمه يې په افغانستان کښې اقتدار په لاسو کښې واخېستۀ کوشش کوي د عامه افکارو او نړيوالې ټولې په مخکښې د تېر وخت په نسبت خپله يوه بل شان څېره وښئي.
