په افغانستان کې د داعش د حملو په زیاتیدا دامریکاد اندیښمنیدا ادعا
د افغانستان په چارو کې د امریکا ځانګړي استازي توماس وسټ په یولړ څرګندونو کې مدعي شوی،چې امریکا په افغانستان کې د القاعدې په دوامدار شتون او له داعش سره داړونده ډلو ټپلو دحملو په زیاتیدا اندیښمنه د ه .
امریکائي چارواکي په دې اند دي چې داعش له افغانستانه په بهر کې له شپږو میاشتو رانیولې تر دولسو میاشتو پورې د حملو دترسره کولو توانمنۍ ترلاسه کولی او دغه راز القاعدې ډله هم همدغه کار له یوه کاله تر دوو کلونو په مودې کې کولی شی .
وسټ وئيلي دي ،واشنګټن د داعش دحملو په زیاتیدا اندیښمن دی او مونږ غواړو ،طالبان د د وي په وړاندې بریالي شي . هغه زیاته کړې ده ، کله په افغانستان کې د نورو ډلو ټپلو خبره کیږي ، نو القاعدې ډله هم دلته خپل شتون ته دوام ورکوي او مونږ په دې اړه هم اندیښمن یوو .
په افغانستان کې د داعش دحملوپه پراختیا او دغه راز له دغه هیواده په بهر کې د دوي د احتمالي حملو باندې د اندیښمنیدا په باب د افغانستان په چارو کې د امریکا د ځانګړي استازي ادعا،ددغې ترهه ګرې ډلې په راپنځولو او پراخولو کې د واشنګټن رول ته په پام سره ډيره حیرانونکي ښکاري . اساسا امریکا د داعش په راپنځولو کې پر خپل رول برغولی نشي کیښودلی . داعش ډله په پیل کې په عراق کې د عراق دبعثي رژيم د پاتې عناصرو او هغو سلفیانو اوتکفیریانو په ګډون سره چې د نړۍ له ګوټ ګوټه په عراق کې غونډ کړائ شوي وو ،جوړه شوه او په چټکۍ سره ئې د خپلو فعالیتونو لمن ، له عراقه سورظې ته هم وغزوله . د یوې لویدیځي سرغنې په توګه امریکا له خپلو لویدیځوالو او عربو متحدانو سره یو ځاي د داعش پشمول د تکفیری ترهه ګرو ډلو ټپلو پراخ ملاتړ او پشتیباني وکړه . د واشنګټن هدف ، د سورئې د قانوني حکومت پرځول او د قماومت د چورلیز کمزوري کول وو ، او دغو ډلو ډلو ته ئې دغې موخې ته د رسیدالپاره دیوه آوزار په توګه فکر کاوۀ.
د امریکا پخواني کرغیړن ولسمشر ډونالډټرمپ ، د داعش په راپنځولو کې د امریکا د وخت د ولسمشر باراک اوباما او خارجه وزیر هیلري کلینټن دنیغ په نیغه رول په باب جنجالي څرګندونې هم کړي دي . ټرمپ د ۲۰۱۶ په جنورۍ کې دخپلو انتخاباتي کمپاین کې پخپلو څرګندونو کې وئیلي ، هیلری کلینټن سره داوباما ، داعش راپنځولی دی د کرغیړن ډونالډټرمپ څرګندونې په حقیقت کې پر هغو تورونو د تائيد ټپه وهل وو ، چې په کرتو د داعش په راپنځولو او اقداماتو کې د سپینې ماڼۍ د مستقیم رول په باب د روسیې د ولسمشر ولادیمیر پوتین په شان د نړۍ دهیوادونو ځینو مشرانو له خوا بیان شوي دي .
د افغانستان په باب هم واشنګټن په وروستیو څو کلونو کې په یوه حساب شوي ملاتړ سره ، د داعشیانو په تیره بیا د افغانستان په شمال کې د دغو تکفیری ترهه ګرو پشتیباني کړې ده . د روسیې چارواکو په کرتو پر دې موضوع ټينګار کړی چې امریکا دخپلو موخو ګټو په لړ کې ، په افغانستان کې دیره داعشیانو لپاره ډول ډول وسلوالې او لوجیسټکي مرستې برابرې کړي دي . د ماسکو چارواکو ټينګار کړی ، چې له داعشي ترهه ګرو د ملاتړ یوه سرچینه پر مستقیمو مرستو سربیره ، هغه پوځي مرستې وې ، چې دامریکایانو په وسیله یا د ناټو دنورو غړو په وسیله له مناسبت کنټروله پرته ، د افغانستان د وخت حکومت ته وړاندې شوي او زیاتره په آسانۍ سره تښتول شوي او د داعشیانو په اختیار کې ورغلي دي .
د ۲۰۲۱کال په اګست کې له افغانستانه د امریکا له بې شرمې وتنې وروسته په افغانستان کې د داعشي ترهه ګرو حملې په معنا لرونکي انداز سره زیاتې شوې او په سلګونو کسان ئې قرباني کړي دي . امریکا تل د خپلو دښمنانو په تیره بیا د روسیې ، چین او ایران په ضد له داعشه د آوزاري استفادې په تکل کې ده او په افغانستان کې په تیره بیا د تاجیکستان او ازبکستان په څير د مینځنۍآسیا د په شاوخوا هیوادونو کې د داعشي تکفیریانو پیاوړت، پر روسیې او چین د دباؤ د زیاتولو په موخې سره ترسره کیږي .
ډيری شناندي او کارپوهان وائي،امریکا په افغانستان کې خپل خالی ځاي په داعش سره ډک کړی دی .
په دې توګه له داعش سره د مبارزې په باب نه یوازې د امریکایانو صداقت په بشپړ ډول تر پوښتنې لاندې ورغلی ، بلکې مشخصه شوې چې د واشنګټن له ملاتړ پرته ، داعش هیڅکله هم د خپلو جنایتونو دترسره کولو جوګه نه ده .
