د افغانستان د طالبانو پلاوی پاکستان ته ورغلی
اوا خبري اژانس وايي د طالبانو یو(۱) پلاوی د اړیکو د پیاوړي کولو په هدف د پاکستان له چارواکو سره د خبرو اترو لپاره اسلام اباد ته تللی دی .
د طالبانو د موقته حکومت د ویاند مرستیال انعام الله سمنګاني نن په ټویټر پاڼه کښې ولیکل د طالبانو د مالیې وزارت څلور (۴) کسیزه پلاوی به د پاکستان له چارواکو سره د طالبانو د حکومت د پیاوړي کولو د لارو چارو په هکله د نظر تبادله وکړي .
له دې مخکې هم د طالبانو د خارجه وزیر امیر خان متقي په شمول د دغه ډلې یوشمیر چارواکو د بیلابیلو مسائیلو په هکله د سلامشورې لپاره اسلام اباد ته سفرونه کړي وو .
د طالبانو حکومت چې په تیرې اګست میاشت کښې یې واک په لاس کښې اخیستی دی د لویدیځو هیوادونو په تیره بیا د امریکا لخوا د افغانستان د کابو لس (۱۰) میلیارډه ډالرو د کنګل کولو په دلیل د حکومتي برخې د کارکونکو د معاشونو د ورکولو او د خوراکي شیانو د تامینولو په شمول له ډیرو مشکلاتو سره مخامخ دی .
په دغو شرایطو کښې پاکستان او قطر د طالبانو تر ټولو مهم سیاسي او مالي ملاتړي ګڼل کیږي .
