طالبان په افغانستان کښې د نشهیانو درملنه کوي
واک ته د طالبانو له رسیدو راهیسې په نشه ایزو توکو روږدي زرګونه کسان د درملنې په موخه د افغانستان په درملیزو مرکزونو کښې داخل کړی شوې دي
واک ته د طالبانو له رسیدو راهیسې په نشه ایزو توکو روږدي زرګونه کسان د درملنې په موخه د افغانستان په درملیزو مرکزونو کښې داخل کړی شوې دي
د طالبانو د موقته حکومت د روغتیا وزارت چارواکو پرون وویل چې په تیره څلورو میاشتو کښې د افغانستان په مختلفو سیمو کښې ۶ زره ۹ سوه او ۹۰ تنه په نشې روږدي کسان معلوم کړی شوي او د درملنې او د نشې د پریښودو په موخه درملیزو مرکزونو ته معرفي شوي دي.
په افغانستان باندې د طالبانو له واکمنۍ مخکښې به په نشې د اخته کسانو درملنه زیاتره په پرائیویټ کلینیکونو کښې کیدله. په افغانستان کښې دغه ډول تقریباً ۸۴ مرکزونه وو چې له زیاترو سره د نړیوالو مرستندویه ارګانونو له خوا مرسته کیدله خو اوس معلومه نه ده چې له افغانستانه د امدادي ارګانونو په وتلو سره، دغه ډول څومره مرکزونه فعال دي.
