په ناروې کې له لویدیځوالو سره دطالبانو خبرې دوام لري
د ملګروملتو اړونده ادارو وئيلي دي ، دافغانستان کابو ۲۳میلیون خلک د لوږې اوقخطۍ له ګواښ سره مخ دي او دغو اورګانونو په روان میلادي کال کې ددغه انساني ناؤرین د ارزونې لپاره د څلور اعشاریه څلور میلیارډډالرو دمرستو غوښتنه کړې ده .
زمونږخبریال د صداي افغان خبری اژانس له قوله راپور راکړ، د ناروې په اوسلو کې د طالبانو او لویدیځي ډيپلوماټانو داستازو د خبرواترو چورلیز ، په افغانستان کې د بشري حقوقو او انساني بحران موضوعګانې دي چې هماغه راز دغه خبرې دوام لري .
له طالبانو سره نزدې سرچینو وئيلي دي د طالبانود موقته حکومت د خارجه وزارت سرپرست امیر خان متقي پرون ناوخته په اوسلو کې د امریکا ، فرانسې ، بریتانیا، جرمني ، ایټالیا ، اروپائي اتحادئې او ناروې له استازو سره د افغانستان د بشری حقوقو د وضعیّت په باب خبرې کړي دي .
لویدیځي ډيپلوماټانو له دغو کتنو مخکې دافغانستان د بشری حقوقو دمدافعو او مدني ټولنې له استازو سره هم خبرې کړي دي .
دغه درستې خبرې اترې د ناروې د په کوربتوب سره په اوسلو کې په یوه هوټل کې د بندو تنبو ترشا ترسره کیږي .
داپه داسې حال کې د ي چې دملګروملتو اړونده ادارو وئيلي دي ، دافغانستان کابو ۲۳میلیون خلک د لوږې اوقخطۍ له ګواښ سره مخ دي او دغو اورګانونو په روان میلادي کال کې ددغه انساني ناؤرین د ارزونې لپاره د څلور اعشاریه څلور میلیارډډالرو دمرستو غوښتنه کړې ده .
