له طالبانو سره د تعلقاتو ټينګولو لپاره د اروپا د پارلېمان شرط
د اروپا پارلېمان د طالبانو له حکومت سره د ملګرتيا شرط د افغان مېرمنو د حقوقو خيال ساتنه اعلان کړ.
د افغان آوا د رپوټ له مخې د اروپا د پارلېمان مشرې مېرمن روبېرټا مېټسولا پرون د دغې ادارې د دوه ورځنۍ غونډې په شروع کښې وويل: زمونږ مقصد د افغانستان په ټولنه کښې د ښځو د شرائطو په اړه د نړيوالو آګاه کول او د ښځو د حقوقو خيال ساتنې ته د غاړې اېښود لپاره تردباو لاندې د طالبانو راوستل دي.
د دغې غونډې په وړومبۍ ورځد اروپا د پارلېمان مشرې د افغان مېرمنو په خلاف د جنسيتي سېسټېمېټک تبعيض په غندلو سره د طالبانو له حکومت سره د نړۍ د هر ډول تعلقات د ښځو د حقوقو له خيال ساتنط سره مشروط وبلل.
مېرمن مېټسولا زياته کړه، نړيوال پکار دے د افغانستان ښځو ضرورتونه په ترجيحاتو کښې راولي او له واکمن رژيم سره د هر ډول تعلقات دې د ښځو د حقوقو د خيال ساتنې د وړاندې شرط په بنياد په نظر کښې اونيسي.
