افغانستان او بنګله دېش د کرکټ د دریو لوبو لړۍ پیلوي

ټاکل شوې چې د افغانستان د کرکټ ملي لوبډله نن د بنګله دېش د کرکټ له ملي لوبډلې سره د دریو یو ورځنیو لوبو لړۍ یا سیریز پیل کړي

د کرکټ دا سیالۍ په بنګله دېش هېواد کې ترسره کېږي او افغان لوبډله له وړاندې دغه هېواد ته رسېدلې ده.

د افغانستان د کرکټ بورډ د معلوماتو له مخې، افغان لوبډلې له دې وړاندې د یادو لوبو لپاره پوره چمتوالی نیولی دی.

د دې لړۍ وړومبۍ لوبه نن سهار نهه نیمې بجې پيلیدونکې ده.

له دغو لوبو وروسته به د دواړو لوبډلو تر منځ  دوه شل اوریزې یا ټي ټوینټي سیالۍ هم ترسره شي.