نړیوالو ته پرانیستی لیک:
د نجونو د ښوونځیو پرانیستلو لپاره اقدام وکړئ
د ملالې فنډ خیریه بنسټ پر نړۍ غږ کړي چې د نجونو د ښوونځیو د پرانیستو په موخه دې د طالبانو په چارواکو ډيپلوماټیک فشارونه راوړل شي
ډیلي مسیر لیکلي چې په افغانستان کښې د نجونو ښوونځیو د تړل کېدو د ۳۰۰ ورځو د بشپړېدو په تړاو د ملالې فنډ خیریه بنسټ اندېښنه ښودلې او د نجونو پر مخ يې د ښوونځیو پر پرانیستو ټینګار کړی دی.
دغه فاونډیشن ویلي، په سپټمبر میاشت کې د ملګرو ملتونو له عمومې ناستې وړاندې د نړۍ له مشرانو غواړي چې د نجونو ښوونځیو د پرانیستو په هدف د طالبانو د حکومت په چارواکو فشارونه راوړي، د افغانستان له ښوونیز نظام څخه مالي ملاتړ وکړي او د خپلو حقونو د تر لاسه کولو په برخه کې د افغان ښځو ملاتړ ته راودانګي.
په دغه لیک کې ټینګارشوی: لپاره د دې چې دغه کار وشي نن باید د افغان نجونو د راتلونکي لپاره زړور او سمدستي اقدامات ترسره کړئ.
د یادونې وړ ده چې تیر کال په افغانستان کې د نظام تر ړنګیدو وروسته نوي سرپرست حکومت د نجونو پر متوسطه او ثانوي زده کړو بندیز ولګاوه او له بیابیا ژمنو سره سره یې تراوسه د جینکو ښوونځي نه دي خلاص کړي.
