افغانستان کښې د الیکټرونیکي تذکرو ویشل پیلیږي
تسنیم خبري اژانس وايي په افغانستان کښې د الکیټرونیکي تذکرو ویشل له سره پیلیږي.
له دې مخکې د کمښت په وجه په افغانستان کښې د الیکټرونیکي تذکرو ویشتل بند شوي وو.
د افغانستان د شمیرنې او د اطلاعاتو ملي ادارې وویل د یو میلیون او د اوه لکه نویو الیکټرونیکي تذکرو په رسیدا سره په افغانستان کښې د تذکرو د ویشل کیدا بهیر په عادي ډول له سره پیل شوی دی.
دغه راپور وايي چې د جنوبي کوریا له یوه شرکت سره د افغانستان د الیکټرونیکي تذکرو د چاپیدا تړون لاسلیک شوی دی.
د افغانستان رسنیو وویل په نویو تذکرو کښې ځینې بدلونونه راوستل شوي دي خو دغه تذکرې هماغه راز د افغانستان د اسلامي جمهوریت په عنوان سره چاپ شوي دي.
د افغانستان په نویو تذکرو کښې د داخله وزارت پرځاې د ملي احصائیې او معلوماتو ادارې نوم لیکل شوی او د تذکرو موده هم لس کاله ده.
د افغانستان د طالبانو د حکومت د شمیرنې او د اطلاعاتو د ادارې ویاند محمد حلیم رافع وویل زر به له قطر څخه یو میلیون او درې لکه نوي الیکټرونیکي تذکرې افغانستان ته ورسیږي.
