ایران د افغانستان هرات ولایت ته مرستې استولي
صدای افغان خبري اژانس راپور ورکړ د افغانستان په لویدیځ ولایت هرات کښې د ایران د اسلامي جمهوریت نورې خوراکي مرستې وویشل شوې.
په هرات ولایت کښې د ایران د کنسولګرۍ مرستیال نوید مقدم پرون په دغه ولایت کښې د اړمنو کسانو ترمینځ د ایران د اسلامي جمهوریت د خوراکي مرستو د شپږسوه کڅوړو د ویشلو په مراسمو کښې وویل د افغانستان د خلکو لپاره به د ایران د اسلامي جمهوریت د مرستو بهیر دوام ولري.
په افغانستان کښې واک ته د طالبانو له رسیدا او د امریکا په بانکونو کښې د افغانستان د خلکو د شتمنیو له کنګل کیدا وروسته د افغانستان په محرومو سیمو کښې فقر، بیکارۍ او لوږه زیاته شوي ده.
په دغو شرایطو کښې د ایران په شمول ځینو هیوادونو د افغانستان د خلکو د کړاونو د کمولو په هدف سره له دغه هیواد سره د درملو او د خوراکي شیانو مرستې زیاتې کړي دي.
له تیر یو نیم کال راهسې په تیره بیا د افغانستان په بیلابیلو سیمو کښې د تیر کال له زلزلې او سیلاب وروسته د ایران اسلامي جمهوریت د افغانستان بیلابیلو سیمو ته د خوراکي شیانو او د درملو په لسګونو پیټي استولي دي.
