د طالبانو په رسمیت د پیژندلو بهیر پیل شوی

زمونږ خبریال راپور راکړی د افغانستان په چارو کښې د روسیې د ولسمشر ځانګړي استازي ضمیر کابلوف ادعا وکړه چې د طالبانو د حکومت په رسمیت د پيژندلو بهیر پیل شوی دی.

هغه د هندوستان له « هندو» ورځپاڼې سره په مرکه کښې وویل د طالبانو د حکومت د استازیو په هڅې سره د طالبانو د حکومت په رسمیت د پيژندلو بهیر د تیر میلادي کال په  نوامبر میاشت کښې د ماسکو د غونډې په شمول په سیمه ییزو غونډو کښې پیل شوی دی.

ضمیر کابلوف د طالبانو حکومت یو کارنده حکومت وباله او ویې ویل دغه حکومت له ویره اچونې سره په مبارزې کښې جدي دی.

هغه تراوسه له بل هر لوړرتبه خارجي مقام زیات د طالبانو د حکومت د کړچار ستاینه کړي ده.

ضمیر کابلوف وویل روسیه په افغانستان کښې د بیا نفوذ د احیا لپاره د امریکا په هڅو باندې اندیښمنه ده.