د سختو واوروله امله دافغانستان د ډېرو ولايتونولارې تړل شوې دي
د درنو واورو وریدو د کابل - غور او بادغیس - هرات لویې لارې تړلې او د دغه ولایت د ټولو ولسوالیو مواصلاتي لارې هم تړل شوې دي.
د افغانستان په یوشمېر ولایتونو او ولسوالیو کې د واورې ورښت د ښاریانو پر مخ لارې تړلې دي.
افغان غږ خبری آژانس وایی د درنو واورو وریدو د کابل - غور او بادغیس - هرات لویې لارې تړلې او د دغه ولایت د ټولو ولسوالیو مواصلاتي لارې هم تړل شوې دي.
د ننګرهار د والي ویاند عبدالواحد حماس د یوې خبرپاڼې په خپرولو سره له مسافرو غوښتي چې نن او سبا د کابل - غور پر لویه لاره تګ راتګ ونه کړي.
له بلې خوا د واورې د اورښت له امله د کابل - نیلي په ګډون د دغو ولایتونو لارې د ترافیکو پرمخ تړل شوې دي.
د طالبانو د فواید عامې وزارت وايي د سختو واورو او توپان له امله د سالنګ لویه لار هم د ترافیکو پر مخ تړل شوې ده.
دغه وزارت زیاته کړه، هڅه کوو چې د هوا د ښه کېدو په صورت کې د سالنګ لویه لار د ترافیکو پر مخ خلاصه کړو.
خو په بامیان کې د طالبانود فواید عامې ریاست هم ویلي، چې د سختې واورې او توپان له امله د بامیان ولایت د مرکز، شاتو، حاجي ګک، کرمان او ابګل کوتلونو مواصلاتي لارې تړل شوې دي.
