پکتیکا کې یو روغتیايي مرکز ګټې اخیستنې ته وسپارل شو
په پکتیکا کې د افغاني سرې مياشتې ټولنه وايي، د دغه ولايت په جاني خپل ولسوالۍ کې د ناروې د کډوالو شورا له لوري د ۳.۵ میلیونه افغانیو په لګښت يو روغتیايي مرکز جوړ شو.
پکتیکا کې یو روغتیايي مرکز ګټې اخیستنې ته وسپارل شو
په پکتیکا کې د افغاني سرې مياشتې ټولنه وايي، د دغه ولايت په جاني خپل ولسوالۍ کې د ناروې د کډوالو شورا له لوري د ۳.۵ میلیونه افغانیو په لګښت يو روغتیايي مرکز جوړ شو.
په یاد ولایت کې د افغاني سرې مياشتې ټولنې رییس عـارف الله حـامـد وویل دغه روغتیايي مرکز د جاني خېلو ولسوالۍ اړوند د زيارت په نوم يوه لرې سيمه کې جوړ شوی چې ۳.۵ میلیونه افغانۍ لګښت پرې راغلی او د ناروې د کډوالو شورا له لوري ورکړل شوى دى.
هغه زیاته کړه، په دغه فرعي روغتیايي مرکز کې یو ډاکټر، يوه قابله او يو واکسیناتور کار کوي چې د یاد کلي ۶ زره اوسېدونکو ته به لومړني روغتيايي خدمات وړاندې کوي.
بلخوا د پکتیکا د عامې روغتیا ریاست وايي چې په دغه ولایت کې د زیارت کلي په څېر سيمو کې د روغتیايي خدماتو نشتوالي ستونزې په کمېدو دي او ډېر ژر به په کې ۳۰ نور فرعي روغتیايي مرکزونه فعال شي.