د افغانستان له لارې پاکستان ته د ترکمنستان ګاز ورځي
زمونږ خبریال راپور راکړی د افغانستان له لارې پاکستان ته د ترکمنستان د طبیعي ګازو صادریدل پیل شول.
د افغانستان د قندهار د والي دفتر پرون وویل یوه نړیوال شرکت د قندهار ولایت په «شوراندوم» سیمه کښې په رسمي ډول د افغانستان له لارې پاکستان ته د ترکمنستان د طبیعي ګازو صادرات پیل کړي دي.
د افغانستان د پانګونې او د تجارت کوټې مشر محمد یونس مهمند هم وویل د ترکمنستان د طبیعي ګازو صادرات به له یوزر او اته سوه کلومیټره واټن وروسته د افغانستان له لارې پاکستان ته انتقال شي.
د ګازو دغه انتقالیدل په داسې حال کښې ترسره کیږي چې د ټاپې په نوم د ترکمنستان د افغانستان د پاکستان او د هندوستان د ګازو د انتقال پروژه تراوسه سر نه ده بشپړه شوي.
د اقتصادي مسائیلو کارپيژاند سید مسعود د ټاپې د پروژې د نه اجرايي کیدا په هکله وايي تر هغه وخته چې د پاکستان او د هندوستان ترمینځ سیاسي تعاملات حل نشي د ټاپې د ګازو د انتقال پروژه به اجرايي نشي ځکه چې پاکستان کوشش کوي د ټاپې د پروژې پرځاې د ټاپ پروژه د ترکمنستان د افغانستان او د پاکستان په مشارکت سره اجرايي شي.
