د افغانستان خاوره به د نورو هیوادونو پرضد استعمال نشي
تسنیم خبري اژانس راپور راکړی طالبانو په افغانستان کښې د امنیتي حالت په هکله د روسیې اندیښنې ته په غبرګون کښې ټینګار وکړ کابل هیڅ چا ته د نورو هیوادونو پرضد د افغانستان له خاورې د استفادې اجازه نه ورکوي.
د افغانستان د طالبانو د حکومت ویاند ذبیح الله مجاهد د روسیې د دفاع وزیر سرګي شایګو د څرګندونو په ردولو سره چې ویلي یې وو ترهګرې ډلې له افغانستان څخه د مرکزي اسیا د هیوادونو امنیت ته ګواښ کوي وویل د طالبانو حکومت نه یوازې له کلونو کلونو جنګونو وروسته په افغانستان کښې امنیت او ثبات پیاوړی کړی بلکې د سیمې د امنیت او د ثبات لپاره یې هم ګام پورته کړی او نه غواړي په سیمه کښې امنیتي ګواښ وي.
ذبیح الله مجاهد وویل د روسیې چارواکي باید متوجه ووسي چې له دوو کلونو په کم وخت کښې نه یوازې له افغانستان څخه د سیمې او د نړۍ هیوادونو ته کوم ګواښ نه دی شوی بلکې د افغانستان ځواکونه توانیدلي دي په بشپړه پریکندوالي سره په هیواد کښې د داعش د فتنې ګرې ډلې پاتې شوي له مینځه یوسي.
هغه وویل طالبان د یوه مسوول حکومت په توګه هیڅ چا ته اجازه نه ورکوي چې د افغانستان خاوره د نورو هیوادونو پرضد استعمال شي او دغه راز له نورو هیوادونو په تیره بیا د سیمې له هیوادونو هیله لري چې د خپلو ښاریزو چې د ورانکارو فعالیتونو لپاره افغانستان ته د ورتلو اراده لري مخه ونیسي.
