طالبان بشري مرستې د ځان لپاره کاروي
طالبان بیا دا ادعاوې ردوي او وایي چې دوی د یادو مرستو د ښه ترسره کیدو لپاره غږملتیا او زمینه جوړونه کوي.
د امریکا د استازو جرګې د بهرنیو اړیکو کمېټې رییس او یو شمېر غړي له افغانستان سره د امریکا د بشري مرستو د روڼتیا غوښتونکي دي او وایي یوه روپۍ یې هم باید د طالبانو د رژیم لاس ته ور نه شي.
دوی په یوه لیک کې طالبان له افغانستان سره د امریکا په مرستو کې په لاسوهنې تورنوي او ټینګار کوي، چې د امریکا پیسې باید یوازې او یوازې اړمنو افغانانو ته ورسول شي.
طالبان بیا دا ادعاوې ردوي او وایي چې دوی د یادو مرستو د ښه ترسره کیدو لپاره غږملتیا او زمینه جوړونه کوي.
د طالبانو د اقتصاد وزارت مرستیال عبداللطیف نظري وویل مونږ نه یوازې د نړۍوالو مرستو په هکله لاسوهنه نه کوو؛ بلکې د هغې لپاره ډېرې اسانتیاوې رامنځته کړې دي.
څه موده مخکې د امریکا د مرستو د څارنې ادارې سیګار ویلي وو، چې له افغانستان سره د امریکا بشري مرستو د طالب مشرانو خیټې غټې کړي، خو د عامو افغانانو په څېرو کې د لوږې نښې زیاتې شوي دي.
طالبانو په یادو مرستو کې د لاسوهنې ادعاوې مخکې هم رد کړې وې.
ځینې کسان بیا دا مرستې طالبانو ته د امریکا رشوت بولي او ادعا کوي، چې وار د مخه په دې اړه طالبانو سره امریکا پټه هوکړه لرلې، چې په داسې مرستو به یې د رژیم بقا سره مرسته کوي .
