طالبانو په کابل کښې د داعش په مرکز برید کړی
د طالبانو امنیتي ځواکونو د کابل ولایت په بګرامي سیمه کښې د داعش ترهګرې ډلې په پټنځاې حمله وکړه.
د افغانستان باختر حکومتي خبري اژانس وویل د طالبانو امنیتي ځواکونو د کابل ولایت په بګرامي ولسوالۍ کښې په میروس ښارګي کښې د داعش ډلې د پټنځاې پرضد عملیات وکړل.
باختر خبري اژانس په دې هکله نور جزیات نه دي ورکړي خو خبري سرچینې وايي دغه عملیات د داعش ډلې ددوو غړیو په وژل کیدا سره پاې ته رسیدلي دي.
دا په تیرو میاشتو کښې څوم ځل دی چې طالبان د افغانستان په بیلابیلو سیمو کښې د داعش ډلې د پټنځایونو پرضد د عملیاتو د ترسره کولو خبر ورکوي.
طالبان ټینګار لري چې په افغانستان کښې داعش ډله ښکاره شتون نلري او دغه ډله هیڅ سیمه په واک کښې نلري او دغه ترهګره ډله د له مینځه تلو په حال کښې ده.
له داعش ترهګرې ډلې سره د جدي مبارزې په هکله د افغانستان د طالبانو د حکومت د چارواکو له بیا بیا ادعاګانو سره سره دغه ډله اوس هم په افغانستان کښې ترهګرې حملې کوي.