داعش ترهګره ډله د امریکا لخوا ملاتړ لري
داعش ترهګره ډله دامریکا لخوا ملاتړ لري
د کابل والي محمد قاسم خالد پرون له «طلوع نیوز» ټیلي ويژن سره په مرکه کښې وویل دښمن نه غواړي چې د افغانستان مظلوم ملت ارامه ووسي او له دې کبله په بیلابیلو طریقو او رودو سره یې په افغانستان کښې د داعش په شمول ځینې فتنې رامینځته کړي دي.
خالد وویل داعش ډله د یوې فتنې په توګه د امریکا لخوا جوړه کړې شوي ده او هدف یې د افغانستان امنیت او ثبات ته ګوزار ورکول دي.
د کابل والي دغه راز د امریکا د بې پایلوټه الوتکې لخوا د کابل ښار په شیرپور سیمه کښې د القاعده ترهګرې ډلې د مشر ایمن الظواهري د وژل کیدا په ردولو سره وویل په کابل کښې د القاعده ډلې د مشر د وژل کیدا په هکله هیڅ سند نشته.
د طالبانو د حکومت دغه چارواکي ټینګار وکړ په کابل کښې د ایمن الظواهري د وژل کیدا په هکله د امریکا د ادعا هدف د افغانستان ناامنه ښودل دي.
امریکا تیر کال ادعا کړي وه چې په بې پایلوټه الوتکې سره یې د کابل په شیرپور سیمه کښې د القاعده ترهګرې ډلې مشر ایمن الظواهري وژلی دی.
