د بیړنیو مرستو د اړمنو افغانانو شمېر له ۲۹ میلیونو اوښتی

یونیسف یو ځل بیا له نړیوالو غوښتي، چې افغانستان ته د بشري مرستو په برابرولو کې همکاري زیاته کړي.

د ملګرو ملتونو د ماشومانوملاتړ صندوق یونیسف ویلي چې په افغانستان کې تر مني پورې د بیړنیواړمنو شمېر له ۲۹ میلیون کسانو اوښتی.

دغې ادارې ویلي چې دغو اړمنو سره بیړنۍ بشري مرستې اړینې دي.

یونیسف یو ځل بیا له نړیوالو غوښتي، چې افغانستان ته د بشري مرستو په برابرولو کې همکاري زیاته کړي.

دا په داسې حال کې ده چې د طالبانو چارواکي د بی وزلۍ زیاتیدو خبرونه کله ردوي او کله یې له تایید سره د مرستو زیاتیدو غوښتنه کوي.

د طالبانو منتقدان باور لري، چې د فقر او بشري ناورین یو اصلي دلیل د حاکم حکومت  افراطي کړنې، د واک انحصار او افغانانو او نړیوالو سره نه تعامل دی