طالبانو له روسي سوداګرانو سره کتلي دي.

زمونږ خبریال راپور راکړی د روسیې د سوداګرو یوه پلاوي په کابل کې د طالبانو د سوداګرۍ او صنایعو وزارت له مرستیال مولوي قدرت الله جمال سره وکتل.

په دې لیدنه کې د ياد تجارتي پلاوي مشر الیګ کندي یوویچ وویل، موږ چمتو یوو چې د افغانستان د برېښنا، کرهڼې او د کانونو د استخراج په برخو کې پانګونه وکړو.

ياد پلاوي زياته کړه چې موږ د افغانستان توليداتو ته لومړيتوب ورکوو  او د روسیې خلک د افغانستان تازه  ميوه جاتو ته زياته ليوالتيا لري.

‏د ياد پلاوي مشر د صنعت او سوداګرۍ وزارت له چارواکو څخه وغوښتل چې يوه مشترکه تجارتي نمايندګي په دواړو هيوادونو کې تاسيس کړي، تر څو تجاران په سهولت سره خپل تجارتي اموال صادر کړي.