د افغانستان د اوسپنۍ پټلۍ ادارې عمومي رئیس ایران ته سفر وکړ

زمونږ خبریال وايي د افغانستان د اوسپنۍ پټلۍ ادارې عمومي رئیس ملا بخت الرحمن شرافت د يو پلاوي په مشرۍ نن دوشنبه د ایران د اوسپنې پټلۍ ادارې په رسمي بلنه دغه هېواد ته په سفر روان شو.

په پام کې ده چې په دغه سفر کې د خواف ـ هرات ۳مې ټوټې اوسپنې ‏پټلۍ له لارې د انتقالاتو په چټکتیا، د اوسپنې پټلۍ ادارې کارکوونکو ته د لنډمهاله تخنیکي زده کړو په برابرولو او د دوه اړخیزه ریلي همکاریو په پراختیا خبرې وشي او له بېلابېلو دولتي مسؤلینو سره لیده کاته هم ترسره شي.