په افغانستان کې د پولیو ناروغي په چټکتیا سره خپریږي
دغه دفتر له کورنیو وغوښتل چې ماشومان واکسین کړي او له دایمي فلج څخه یې وژغوري.
په افغانستان کې د پولیو د له منځه وړلو د کمپاین دفتر وايي دا ناروغي په چټکۍ سره خپریږي.
افغان غږ خبری آژانس راپور ورکوی د فری پولیو افغانستان پاڼې چې د پولیو د واکسین د کمپاین په اړه معلومات ورکوي، لیکلي چې په ننګرهار کې تر اوسه د پولیو پنځه مثبتې پېښې ثبت شوې دي او دا وضعیت ډېر خراب دی. د افغانستان لپاره، په ځانګړې توګه د ختیځ زون لپاره، دا ګواښونکی دی".
دغه دفتر له کورنیو وغوښتل چې ماشومان واکسین کړي او له دایمي فلج څخه یې وژغوري.
تېر کال په افغانستان کې د پولیو دوه مثبتې پېښې په کونړ او پکتیا ولایتونو کې ثبت شوې وې. دا شمېره په افغانستان کې د پوليو تر ټولو کمې پېښې ثبت شوې دي.
اوس مهال افغانستان او پاکستان د نړۍ یوازینی هیوادونه دي چې د پولیو ناروغي پکې نه ده له منځه تللې.
