د افغانستان صادرات ۷۵۹ میلیون ډالرو ته ورسیدل
Sep 26, 2023 08:23 Asia/Kabul
د افغانستان صادرات د سږ کال په اولو شپږو میاشتو کښې ۷۵۹ میلیون ډالرو ته ورسیدل.
افغانستان کښې د طالبانو د حکومت د صنعت او تجارت د وزارت ویاند «عبدالسلام آخند زاده جواد» وویل چې د دغه هیواد سوداګرو د روان کال په وړومبۍ نیمايي کښې د ۷۵۹میلیون ډالرو شیان له هیواده بهر ته صادر کړي دي.
د طالبانو دغه چارواکي زیاته کړه: په دې کښې زیاتره شیان ایران، پاکستان، ترکیې، عراق او اماراتو ته صادر شوي دي او په صادراتي شیانو کښې هم د سکرو ډبرې، زعفران، وچه او تازه میوه او د کرهڼې محصولات شامل دي.
د افغانستان د صنعت او تجارت د وزارت ویاند وویل: د صادراتو په برخه کښې د تیر کال د ریکارډ د ماتولو لپاره هلې ځلې روانې دي.
تیر کال د افغانستان صادرات څه باندې ۲ میلیارډ ډالرو ته رسیدلي وو.
ټیګونه
