د افغانستان او ایران د حج او اوقافو وزارت چارواکو ولیدل
د افغانستان اسلامي امارات او د ایران د اسلامي جمهوریت د حج، ارشاد او اوقافو وزارتونو معینانو د ایران په پلازمینه تهران کې په اړونده موضوعاتو لیده کاته او خبرې اترې وکړې.
د افغانستان اسلامي امارات او د ایران د اسلامي جمهوریت د حج، ارشاد او اوقافو وزارتونو معینانو د ایران په پلازمینه تهران کې په اړونده موضوعاتو لیده کاته او خبرې اترې وکړې.
د افغانستان د حج اواوقافو وزارت معین مولوي عارف هلال عارف چې د جمهوري اسلامي ایران په رسمي بلنه یې دغه هېواد ته سفر کړی، نن چهارشنبه یې د دغه هېواد د حج او اوقافو وزارت معین ښاغلي خاموشي سره په داسې حال کې لیدنه وکړه چې په تهران کې د افغانستان سفارت د تشریفاتو مسؤل مفتي محمد علیم نوراني هم حضور درلود.
د دې لیدنې پر مهال دواړو لورو د وزارتونو اړوند په بېلا بېلو موضوعاتو خبرې، له یو بل سره د تجربو شریکولو او د همکاریو پر دوام ټینګار او ژمنې وشوې.
د ایران د حج او اوقافو وزارت معین د اسلامي امارت څخه قدرداني وکړه چې د قرانکریم سیالۍ لپاره یې قاریان ور پېژندلې وو او په راتلوونکې د یادو سیالیو پر دوام او په دې برخه کې د همکارۍ غوښتنه وکړه چې ورته ډاډ ورکړل شو.
