د افغانستان د فوټبال ملي لوبډلې هند ته ماتې ورکړه
Mar 27, 2024 11:03 Asia/Kabul
د افغانستان د فوټبال ملي لوبډلې پرون هند ته دوه – یو ماته ورکړه.
په دې لوبه کې چې د ۲۰۲۶ میلادي کال د نړیوال جام د غوراوي په لړ کې د هند په کوربه توب وشوه، په لومړۍ نیمايي کې هندي لوبغاړي سونیل چیتري په پینالټي سره ګول وواهه.
په دویمه نیمايي کې افغان لوبغاړي رحمت اکبري لوبه مساوي کړه او د شریف محمد په ګول سره افغانستان دوه پر یو وړاندې شو.
تر دې وړاندې د هند او افغانستان لومړۍ مسابقه یو پر یو مساوی شوې وه.
د افغانستان د فوټبال ملي لوبډله چې اوس څلور امتیازونه لري، په بله لوبه کې به له قطر سره مخامخ شي.
د افغانستان او قطر مسابقه به د جون په شپږمه وي.
ټیګونه
