له اسرائيلو سره د مقابلې پنځمه مرحله به ډيره خطرناکه وي
د یمن د انصار ا... ولسی غورځنګ رهبر سید عبدالملک بدرالدین الحوثي په یولړ څرګندونو کې له صهیونیسټي دښمن سره د مقابلې د پنځمې مرحلې د پیلولو خبره کړې او وئيلي ئې دي چې دغه مرحله به ډیره خطرناکه او غاښ ماتونکي وي.
تسنیم خبری آژانس راپور ورکړی، د تل ابیب په مینځ کې دیمن د وسلوال پوځ په وسیله د یافا نومې ډرون له غافلونکي حملې وروسته دوحشي صهیونیسټي رژيم جنګي الوتکو روانه اونۍ د یمن په الحدیده بندر په تیلي زیرمې باندې په حملې سره یو شمیر یمن وال ښاریز شهیدان او ټپیان کړي دي.
ددغه جنایت او تیري په ځواب کې د یمن د انصار ا... ولسی غورځنګ رهبر سید عبدالملک بدرالدین الحوثي په یولړ څرګندونو کې له صهیونیسټي دښمن سره د مقابلې د پنځمې مرحلې د پیلولو خبره کړې او وئيلي ئې دي چې دغه مرحله به ډیره خطرناکه او غاښ ماتونکي وي.
په عین حال کې د یمن د پوځ ویندوي جنرال یحیی سریع دیوې اعلامیې په خپرولو سره په؛بومپا؛نومې امریکائي کشتۍ او د نیواکي فلسطین په رام الرشراش (ایلات) بندر باندې د ډرون او توغندوي حملې خبر ورکړی دی.
د یمن یوه خبریال عبدالکریم الزارعي په صنعا کې په یولړ څرګندونو کې د جنایتکار صهونیستي ريژم او دیمن د وسلوال پوځ ترمینځ د پوځي نښتو اوډغرې د نوي مرحلې پیلیدا ته په اشارې سره ووئيل؛ د یمن دانصار ا... غورځنګ درهبر څرګندونې ښئ چې د اسرائيلو په ضد د مقابلې پنځمه مرحله به د صهیونیسټي دښمن لپاره له ډيرو سختو ټکونو سره یوځای وي ، څو په دې توګه تل ابیب دغزې تړانګې د کلابندۍ او د بې آمانه حملو د درولو لپاره اړشي.
