یونیسف اداره وائي،په میلیونونو افغان ماشومان له واکسین څخه محروم دي
د ملګرو ملتونو د ماشومانو د ملاتړ صندوق (یونیسف)خبرداری ورکړی چې یوازې ۱۶.۲٪ افغان ماشومان په بشپړ ډول واکسین شوي او دا وضعیت د میلیونونو ماشومانو ژوند ، د مخنیوي وړ ناروغیو له خطر سره مخ کړی دی.
د تسنیم خبري اژانس په وینا، یونیسف ادارې پخپلې وروستۍ اعلامیې کې ویلي چې یوازې ۱۶.۲ ٪ افغان ماشومان په بشپړ ډول واکسین شوي او خبرداری ئې ورکړی چې دا وضعیت د میلیونونو ماشومانو ژوند د مخنیوي وړ ناروغیو له خطرې سره مخ کړی دی.
په اعلامیې کې زیاته شوې چې افغانستان د نړۍ په هغو ۲۰ لومړیو هېوادونو کې دی چې تر ټولو زیات «بې ډوز» یا غیر واکسین شوي ماشومان لري.
دغه نړیوالې موسیسې د افغانستان د ماشومانو د وضعیت په اړه اندېښنه څرګنده کړې او ویلي یې دي چې د کلونو د خوندیتوب پروګرامونو کې له پانګونې سره سره ، په میلیونونو افغان ماشومان لا هم د وژونکو ناروغیو له خطر سره مخ دي.
