حامدکرزي په کانکور کې د افغان نجونو پر نه شتون خواشیني ښودلې

د افغانستان پخواني ولسمشر، حامد کرزي د ۱۴۰۴ کال په کانکور ازموینه کې له لومړۍ تر ۵ مې درجې بریالیو هلکانو ته مبارکي ورکړې.

کرزي په خپله اېکسپاڼه سخته خواشیني څرګنده کړې، چې په سږني کانکور کې افغان نجونو ته طالبانو د ګډون اجازه نه وه ورکړې شوې.

خعخ نجونو او هلکانو ته د زده کړو زمینه برابرول حیاتي بللي ده.

حامدکرزي یو ځل بیا د طالبانو له حکومته غوښتي، چې «ژر تر ژره» د نجونو زده کړو ته اجازه ورکړي.

پخواني ولسمشر له بهرنیو اړتیاوو خلاصون او د هېواد پرمختګ، زده کړو ته په اجازې پورې مشروط ګڼلی دی.

طالبانو له واکمنیدو وروسته د افغان نجونو پر زده کړو بندیزونه لګولي دي.