د امریکا کرغیړن ولسمشرټرمپ د افغانستان له واقعیتونو ناخبره دی
افغانستان د طالبانو د حکومت مرستیال وییندوي د امریکا د کرغیړن ولسمشر ټرمپ د وروستۍ ادعا په غبرګون کې، چې کابل ئې د نشه ایزو توکو پر وړاندې په مبارزې کې په پاتې راتلو تورن کړی و، دا ادعا رد کړه او وې ویل چې د ټرمپ څرګندونې د افغانستان له واقعیتونو د ناخبرۍ څرګندونه کوي.
د تسنیم خبري اژانس د راپور له مخې، د افغانستان د طالبانو د حکومت مرستیال ویندوي حمدا... فطرت د امریکائي کرغیړن ولسمشر ټرمپ د وروستۍ وینا په غبرګون کې، چې کابل ئې دنشه ایزو توکو د تولید او قاچاق په کنټرول کې په ناکامۍ تورن کړی و، دا تورونه ئې بې بنسټه وبلل.
حمد ا... فطرت په یوې بیانیې کې، چې د افغانستان په رسنیو کې خپره شوې، وویل: «دا څرګندونې د امریکا د ولسمشر له خوا د افغانستان د وضعیت په اړه د ناخبرۍ ښودنه کوي. په دغه هیواد کې د نشه ایزو توکو تولید او قاچاق کابو صفر ته رسېدلی او اوس دا ستونزه ډېره په ګاونډیو هیوادونو کې لیدل کېږي.»
هغه ټینګار وکړ چې د طالبانو حکومت له واک ته بیا رسېدو وروسته د کوکنارو کښت او د نشه ایزو توکو د قاچاق د له منځه وړلو لپاره جدي اقدامات کړي او په دې برخه کې ئې بریاوې هم ترلاسه کړې دي.
افغانستان کلونه د نړۍ د کوکنارو ترټولو لوي تولیدوونکي هیواد په توګه پېژندل شوی و. د ۲۰۲۱ کال په اګست میاشت کې د امریکائي عسکرو له وتلو او د طالبانو په بیا واکمنۍ پسې، دغې ډلې ژمنه وکړه چې د کوکنارو کښت او دنشه ایزو توکو قاچاق به منع کړي. په ۲۰۲۲ کال کې طالبانو په رسمي توګه د کوکنارو کښت منع کړ او اعلان ئې وکړ چې د کښتونو د له منځه وړلو او سخت کنټرول له لارې ئې دکوکنارو تولید په پراخه کچه کم کړی دی.
داپه داسې حال کې دي چې د اروپايي ټولنې پخواني ځانګړي استازي توماس نیکلسن تېر کال د طالبانو له چارواکو سره په لیدنه کې ټینګار کړی و ،د طالبانو دنشه ایزو توکو پر وړاندې د مبارزې ترڅنګ، اړتیا ده چې اړونده نړیوالې ادارې د کوکنارو د کښت بدیل او د نشه یانو د درملنې په برخې کې ورسره مرسته وکړي.
