یوناما: په افغانستان کې د ناچاودو توکو ډېری قربانیان ماشومان دي

یوناما وایي، په افغانستان کې د جګړې له پاتې ناچاودو توکو د چاودنو له امله د تلفاتو نږدې ۸۰ سلنه ماشومان دي.

دې ادارې ویلي، افغانستان د ناچاودو مهماتو د مرګ‌ژوبلې له پلوه په نړۍ کې درېیم هېواد دی.

یوناما ټینګار کوي چې د عامه پوهاوي زیاتول او د ماین‌پاکۍ جدي هڅې کولی شي د زرګونو افغانانو ژوند وژغوري، او له نړیوالې ټولنې یې د دې بهیر د پیاوړتیا غوښتنه کړې ده.