ریچارډ بنټ د افغانستان پاکستان ترمنځ د تاوتریخوالي د کمولو غوښتنه وکړه
Feb 27, 2026 13:04 Asia/Kabul
د افغانستان په چارو کې د ملګرو ملتونو د بشري حقونو ځانګړي راپور ورکوونکي د پاکستان او افغانستان ترمنځ جګړې ته په اشارې سره، سملاسي د تاوتریخوالي کمول اړین بللي.
ریچارډ بنټ نن جمعه د کب په ۸مه پر اېکسپاڼه لیکلي: «په خواشینۍ سره یو ځل بیا د پاکستان او افغانستان ترمنځ اوسنی کړکېچ په تاوتریخوالي بدل شوی.»
هغه ویلي چې د ارامۍ او د نړیوالو بشري حقونو او بشري قانون، په ځانګړي ډول د ملکي وګړو د ساتنې لپاره د درناوي غوښتنه کوي.
د افغانستان حکومت تېره شپه د ډیورنډ فرضي کرښې اخوا د پاکستاني ځواکونو پر پوستو غچاخیستونکي بریدونه وکړل چې پکې د افغان حکومت په وینا ۵۵ پاکستاني پوځیان وژل شوي او ګڼ شمېر نور ټپیان او ژوندي نیول شوي دي.
همدارنګه په دغو بریدونو کې د طالبانو ۸ پوځیان هم وژل شوي او ۱۱ ټپیان دي.
ټیګونه
